Jakob gæti misst af fyrstu leikjunum í Svíþjóð

16.ágú.2017  13:33 nonni@karfan.is

Fór í aðgerð á ökkla í dag

Jakob Örn Sigurðarson gæti mögulega misst af fyrstu leikjunum með Boras í sænsku úrvalsdeildinni á komandi leiktíð en hann fór í dag í aðgerð á ökkla. Karfan.is ræddi við Jakob í gær og bjóst leikmaðurinn við því að vera frá í einhverjar vikur.


„Ég meiddist í febrúar en kláraði samt tímabilið. Ég varð svo ekkert betri á hvíld þannig núna þarf að hreinsa burt beinflísar og eitthvað meira,“ sagði Jakob við Karfan.is.


Boras hefur leik á útivelli í sænsku úrvalsdeildinni þegar liðið mætir Uppsala þann 6. október næstkomandi.