Grikkir sterkir

11.júl.2017  20:58 nonni@karfan.is

U20 ára landslið Íslands lá gegn Grikklandi í dag á æfingamótinu fyrir Evrópukeppnina. Lokatölur 54-71 þar sem Grindvíkingurinn Ingvi Þór Guðmundsson var atkvæðamestur með 11 stig í íslenska liðinu og þeir Kristinn Pálsson og Halldór Garðar Hermannsson bættu báðir við 9 stigum.


Á heimasíðu KKÍ má nálgast neðangreinda lýsingu frá leik dagsins:


Okkar strákar byrjuðu mjög vel og náðu forystu í 1. leikhluta en Grikkirnir náðu að jafna áður en honum lauk 16-16. Leikurinn hélst jafn fyrstu 3 mínúturnar í 2. leikhluta en þá náðu Grikkirnir forystu.


Staðan 29-38 í hálfleik. Í upphafi seinni hálfleiks gekk okkur illa að passa boltann og munurinn allt í einu kominn í 18 stig, 30-48. Fór mest í 19 stiga mun en staðan eftir 3 leikhluta 44-60.


Í 4. leikhluta var munurinn mestur 16 stig, en við komum muninum niðurstöður í 10 stig þegar 4 mínútur voru eftir en nær komumst við ekki. Lokastaðan 54-71.


Pössuðum boltann betur en gegn Spáni enda eins gott þar sem Grikkirnir eru með mjög sterkt lið. Stefnum á að bæta okkur enn frekar gegn Ítölum.


Tölfræði leiksins