Burgos sópaði úrslitakeppnina og ávann sér sæti í ACB!

„Bilað!”

09.jún.2017  22:27 nonni@karfan.is

Ægir í beinni í klefanum

Aðeins eitt stig skildi liðin að í kvöld þegar Ægir Þór Steinarsson og félagar í Burgos tryggðu sér sigur í LEB Gold deildinni á Spáni og þar með rétt til að sækja um sæti í ACB deildinni á næstu leiktíð!


Fyrir viðureign Burgos og Palencia í kvöld leiddu Burgos 2-0 og þriðji sigurinn kom með minnsta mun eða 85-86 útisigri og þar með fór Burgos ósigrað í gegnum alla úrslitakeppnina!


Ægir Þór Steinarsson lék í 21 mínútu í liði Burgos í kvöld og skoraði 2 stig, þristarnir vildu ekki niður, 0-4, en Ægir bætti þó við sig 3 stoðsendingum og 2 fráköstum. „Við settum tvö víti til þess að komast einu yfir og stoppuðum í lokin, bilað!“ sagði hress og kátur Ægir Þór Steinarsson í samtali við Karfan.is í kvöld.


Á Spáni er ekki á vísan að róa þó sigur vinnist í LEB Gold deildinni því til þess að komast í ACB deildina þarf að uppfylla ákveðin skilyrði og fara í gegnum umsóknarferli. Ægir staðfesti við Karfan.is í kvöld að skilaboð stjórnenda Burgos væru þau að klúbburinn myndi fara í þetta ferli og freista þess að koma sér í ACB.

Svona var stemmningin í klefanum: