Dregið í undankeppni HM á morgun

Ísland verður með sterkri þjóð í undankeppni HM

06.maí.2017  19:02 Oli@karfan.is

Pippen, Gaze, Kirilenko and Yi taka þátt í drættinum

Í hádeginu á morgun, sunnudaginn 7. maí verður karlalandslið Íslands í fyrsta skipti í pottinum er dregið er í undankeppni heimsmeistaramóts landsliða í körfubolta. Tólf evrópsk lið komast alla leið í aðalmótið en þetta er í fyrsta sinn sem undankeppni er haldin og því nýtt keppnisfyrirkomulag. 

 

Drátturinn fer fram í Kína í hádeginu eða kl 12:00 að íslenskum tíma. Bein útsending verður á Youtube rás FIBA og á facebook síðu KKÍ. Ísland verður í riðli með þremur öðrum evrópuþjóðum og er í sjötta styrkleikapotti af átta. Það er ljóst að Ísland getur leikið í riðli með stórum körfuboltaþjóðum á borð við Grikkland, Ítalíu, Tékkland, Lettland og Tyrklandi í riðli. Scottie Pippen, Andrew Gaze, Andrei Kirilenko and Yi Jianlian munu taka þátt í drættinum sem fer eflaust fram með glæsilegum hætti. 

 

Leikið er í tveimur gluggum á næstu tveimur árum en það er sama keppnisfyrirkomulag og A-landslið kvenna lék í undankeppni EM á síðustu árum. Leikdagar eru í nóvember og febrúar og leika öll lið við hvert annað heima og að heiman. 

 

Nánari útskýring á fyrirkomulagi dráttsins má finna hér að neðan: