Íslendingar í evrópu

Sigurður með tvennu í baráttunni um Larissa

26.feb.2017  12:46 Oli@karfan.is

Myndband: Tröllatroðsla Sigurðar

Sigurður Gunnar Þorsteinsson sem leikur með AE Larissa í grísku A2 deildinni skilaði tvöfaldri tvennu í frábærum sigri liðsins á nágrönnum sínum í GS Larissa 89-80.

 

Sigurður endaði með 18 stig, 10 fráköst og 3 stoðsendingar á 27 mínútum og var að sögn grískra fjölmiðla annar af tveim mönnum leiksins ásamt Kostas Saribalidis. Sigurður hitti einnig úr átta af níu skotum sínum í leiknum. 

 

AE Larissa hafði fyrir leikinn tapað fjórum leikjum í röð og því gríðarlega mikilvægur sigur fyrir Sigurð og félaga. Liðið er í 9 sæti af 16 í deildinni en stutt er á milli liða um miðja deild og nóg af leikjum eftir. Larissa mætir Doukas eftir viku en það lið er í þriðja sæti deildarinnar og því erfiður leikur framundan. 

 

Auk þess að eiga frábæran leik smellti Sigurður Þorsteinsson í frábæra tröllatroðslu sem hann setti á instagram í gær. Tilþrifin má sjá hér að neðan:

 

 

Finally back on track with a W #bigmandunk #derbymatch #AEL #larissa

A post shared by Sigurður Gunnar Þorsteinsson (@siggigunnar) on

 

Mynd / Dimitris Maroudas - Heimasíða AE Larissa.