Ragnar stýrir kvennaliði Njarðvíkur næstu tvö árin

15.apr.2018  16:38 davideldur@karfan.is

Ragnar Halldór Ragnarsson samdi í dag við körfuknattleiksdeild Njarðvíkur til næstu tveggja ára. Ragnar tók við Njarðvíkurliðinu laust eftir miðja síðustu leiktíð en fær nú það verkefni að treysta grunninn í meistaraflokki kvenna í Ljónagryfjunni og undirbúa hópinn fyrir baráttu á meðal þeirra bestu í náinni framtíð.


Í tilkynningu Njarðvíkinga segir einnig:

„Verkefnið er gríðarlega spennandi enda raðirnar þéttar í yngri flokkum kvenna í Njarðvík. Síðastliðin leiktíð var nokkuð skrýtin með bikarsilfri og svo falli í 1. deild. Nú þurfum við að fara aftur að teikniborðinu með kvennaliðið og byggja til framtíðar svo Njarðvík geti keppt á meðal þeirra bestu um alla þá titla sem í boði eru,“ sagði Ragnar við undirritun samninga í dag.

 

Mynd/ Jón Björn Ólafsson ritari körfuknattleiksdeildar Njarðvíkur og Ragnar handsala samninginn í dag.