Körfuboltabúðir Brynjars:

Brynjar býður uppá körfuboltabúðir í vetrarfríinu

14.feb.2018  06:47 Oli@karfan.is

Brynjar Þór Björnsson fyrirliði Íslandsmeistara KR og leikmaður íslenska landsliðsins verður með Körfuboltabúðir í vetrarfríi grunnskólanna. Körfuboltabúðirnar fara fram dagana 15. og 16. febrúar næstkomandi þegar grunnskólar höfuðborgarsvæðisins eru í vetrarfríi. Búðirnar eru fyrir stelpur og stráka og er markmið búðanna að fara yfir skottækni og undirstöður skotmanna.

 

Æfingatímarnir eru eftirfarandi: Krakkar fæddir 2006 og seinna æfa frá 9-10:30 og krakkar fæddir 2005 og fyrr æfa frá 10:30 - 12:00. Búðirnar fara fram í KR-heimilinu. 

 

Brynjar Þór hefur verið að bjóða upp á morgunæfingar í vetur fyrir krakka sem langar að bæta sig ásamt því að bjóða upp á hádegistíma fyrir áhugamenn um körfubolta. Hann hefur einnig boðið uppá skotbúðir og körfuboltabúðir fyrir fólk á öllum aldri og því miklar líkur á að það verði tekin nokkur skot. Hafa móttökurnar verið frábærar og er greinilegt að ungir jafnt sem aldnir eru ólmir í að komast í körfubolta. 

 

Verðið er 6000 kr fyrir allt námskeiðið og fer skráningin fram hér. 

 

 

Allar frekari upplýsingar um tímasetningu, verð og skráningu er að finna hér fyrir neðan og á facebook.