U16 Drengja á Evrópumóti í Búlgaríu:

Ævintýralega sárt tap Íslands gegn Hvíta-Rússlandi

12.ágú.2017  19:19 davideldur@karfan.is

 

Undir 16 ára lið drengja keppir þessa dagana á Evrópumóti í Búlgaríu. Fram að leiknum í dag hafði liðið unnið báða leiki sína á mótinu. Þann fyrsta gegn Sviss og svo á móti Rúmeníu í gær. Í dag töpuðu þeir hinsvegar fyrir Hvíta-Rússlandi 78-77.

 

Íslenska liðið byrjaði betur í dag. Voru 10 stigum yfir eftir fyrst leikhluta 27-17. Undir lok hálfleiksins bættu þeir svo við þá forystu og leiddu með 17 stigum, 51-34, þegar ð liðin héldu til búningsherbergja í hálfleik.

 

Hvíta-Rússland mætti svo mun betur stemmt inn í seinni hálfleikinn. Byrjuðu að vinna niður forystu Íslands í þriðja leikhlutanum, en staðan fyrir lokafjórðunginn var þó enn 63-53 Íslandi í vil. Í honum hélt svo bara það sama áfram, en með lokaskoti leiksins náði Hvíta-Rússland loksins að vinna leikinn, 78-77.

 

Atkvæðamestur hjá Íslandi í dag var Veigar Hlynsson með 26 stig, 5 fráköst, 3 stoðsendingar og 3 stolna bolta á þeim 38 mínútum sem hann spilaði.

 

Drengirnir fá frí á morgun, en mæta næst Grikklandi á mánudaginn kl. 13:00

 

 

Hérna er meira um liðið

Hérna er tölfræði leiksins

Hérna er meira um mótið

 

 

 

 

Hérna er leikur dagsins: