Næsta stoppistöð í sumaryfirferð 1. deildar karla er Laugarvatn og þar sigur Pétur Sigurðsson fyrir svörum en Pétur stýrði Laugdælum upp úr 2. deild á síðustu leiktíð. Laugdælir unnu deildina eftir spennandi úrslitaleik gegn Leikinsmönnum, lokatölur 84-76.

,,Liðið hjá mér verður meira og minna óbreytt frá því í fyrra, þó missi ég 2-3 leikmenn sem voru að útskrifast. Kemur það svo í ljós með sumrinu hvort það bætist eitthvað við hópinn,” sagði Pétur enda ekki á vísann að róa í leikmannamálum á Laugarvatni þar sem liðsmenn Laugdæla eru flestir hverjir aðfluttir námsmenn.

 

,,Ég byrja með æfingar um miðjan ágúst og svo fer allt á fullt í byrjun september, því þá eru allir leikmenn komnir í skólann. Leikmennirnir mínir eru hér og þar um landið og hef ég gert kröfu um að þeir komi í góðu líkamlegu ástandi í ágúst. Annars leggst 1. deildin vel í menn og eru leikmenn mínir tilbúnir að leggja á sig mikla vinnu til að ná árangri í vetur. Mikil samstaða er í hópnum og metnaðurinn mikill,” sagði Pétur

 

Ljósmynd/ www.sunnlenska.is – Laudælir fögnuðu vel og innilega eftir sigurinn í 2. deild.

 

nonni@karfan.is  

 

Sumarið og 1. deild: Breiðablik