Í dag hefjast undanúrslitin í Iceland Express deild kvenna með viðureign Hamars og Keflavíkur en leikur liðanna fer fram í Hveragerði og hefst kl. 15:00. Það lið sem fyrr vinnur þrjá leiki kemst áfram í úrslit. Í hinni viðureigninni eigast svo við Deildarmeistarar KR og Íslands- og bikarmeistarar Hauka en fyrsti leikur liðanna fer fram annað kvöld og á KR heimaleikjaréttinn í seríunni.

Eins og undanfarin ár þá verða ýmsar uppákomur á leikjunum í úrslitakeppnum Iceland Express-deildana. Byrjað verður á Borgarskotinu og fleiri uppákomur bætast svo við þegar líður á úrslitakeppnina. Borgarskotið verður í öllum leikjum í úrslitakeppninni. Tveir áhorfendur fá að reyna sig á milli 1. og 2. leikhluta og aðrir tveir á milli 3. og 4. leikhluta. Alls fá sem sagt fjórir að spreyta sig í hverjum leik. Þeir sem hitta fá ferð með Iceland Express fyrir tvo á einhvern af áfangastöðum þeirra.

 

Á fimmtudag stóð KKÍ að kynningarfundi fyrir undanúrslitin í Iceland Express deild kvenna þar sem Karfan.is ræddi við fulltrúa liðanna. Hér má nálgast viðtölin:

 

 

 

Leikur 1 Sunnudagur 14. mars kl. 19.15 KR-Haukar DHL-höllin

Leikur 2 Miðvikudagur 17. mars kl. 19.15 Haukar-KR Ásvellir

Leikur 3 Föstudagur 19. mars kl. 19.15 KR-Haukar DHL-höllin

Leikur 4 Sunnudagur 21. mars kl. 19.15 Haukar-KR Ásvellir ef þarf

Leikur 5 Þriðjudagur 23. mars kl. 19.15 KR-Haukar DHL-höllin ef þarf

 

 

Leikur 1 Laugardagur 13. mars kl. 15.00 Hamar-Keflavík Hveragerði

Leikur 2 Þriðjudagur 16. mars kl. 19.15 Keflavík-Hamar Toyota-höllin

Leikur 3 Föstudagur 19. mars kl. 19.15 Hamar-Keflavík Hveragerði

Leikur 4 Sunnudagur 21. mars kl. 19.15 Keflavík-Hamar Toyota-höllin ef þarf

Leikur 5 Þriðjudagur 23. mars kl. 19.15 Hamar-Keflavík Toyota-höllin ef þarf

 

nonni@karfan.is