Helgi Már Magnússon og Jakob Örn Sigurðarson verða í eldlínunni með sínum félögum í sænsku úrvalsdeildinni í kvöld. Jakob og félagar í Sundsvall mæta Boras á útivelli en Helgi og Solna taka á móti Södertalje í Solnahallen.

Jakob Örn fór mikinn í liði Sundsvall síðasta föstudag þegar liðið vann mikilvægan sigur á Plannja sem er í 2. sæti deildarinnar. Lokatölur voru 86-83 Sundsvall í vil þar sem Jakob gerði sigurkörfuna 7 sekúndum fyrir leikslok. Jakob gerði 25 stig í leiknum, gaf 3 stoðsendingar og var með 2 fráköst og með sigrinum náði Sundsvall, sem er í 3. sæti, að minnka bilið á milli sín og Plannja niður í 4 stig.

 

Solna er sem fyrr í 4. sæti deildarinnar og hafa 46 stig, 4 stigum á eftir Jakobi og Sundsvall.

 

nonni@karfan.is