Óvíst er hvort fremsti miðherji landsins, Signý Hermannsdóttir, haldi áfram að leika körfubolta en á síðustu leiktíð fagnaði Signý Íslandsmeistaratitli með KR og var þar ein helsta driffjöður liðsins. Signý hefur borið höfuð og herðar yfir aðra miðherja í íslensku deildinni síðustu ár og nú gæti hugsanlega verið komið að leiðarlokum.

 

Körfuknattleiksdeild Keflavíkur hefur framlengt samningum við sex leikmenn kvennaliðs félagsins. Samningar þess efnis voru undirritaðir í gær. Þeir leikmenn sem framlengdu sínum samning við liðið voru Rannveig Randversdóttir, Svava Stefánsdóttir, Hrönn Þorgrímsdóttir, Pálína Gunnlaugsdóttir, Birna Valgarðsdóttir og Marín Karlsdóttir. www.keflavik.is greinir frá.

 

Bandaríski leikmaðurinn Heather Ezell fór á kostum með Subwaybikarmeisturum Hauka á síðasta tímabili hér í Iceland Express deild kvenna. Karfan.is tók púlsinn á Ezell sem reyndi fyrir sér hjá nokkrum WNBA liðum fyrir tímabilið en hafði ekki erindi sem erfiði. Ezell var vafalítið einn besti leikmaður deildarinnar í vetur með 28,4 stig, 10,3 fráköst og 6,0 stoðsendingar að meðaltali í leik.

 

Samkvæmt öruggum heimildum Karfan.is eiga Hrafn Kristjánsson og KR nú í viðræðum um að Hrafn taki við þjálfun kvennaliðsins sem á síðustu leiktíð varð Íslandsmeistari undir stjórn Benedikts Guðmundssonar.