NÝJUSTU ÚRSLIT...
![]()
Argentínumenn efstir á heimslistanum
01 02 2010 | 10:54
Það eru Argentínumenn sem tróna á toppi heimslista FIBA sem reiknaður var út eftir Evrópumótið síðasta sumar. Argentínumenn hafa 865 stig á toppi listans en ekki langt undan koma Bandaríkjamenn með 861 stig. Eina Norðurlandaþjóðin á listanum er Svíþjóð í 65. sæti með 3 stig.
Riðlarnir klárir fyrir HM
25 01 2010 | 14:00
Nú eru riðlarnir ljósir og hvernig þeir verða skipaðir á Heimsmeistaramótinu í körfuknattleik sem fram fer í Tyrklandi dagana 28. ágúst til 12. september síðar á þessu ári. Fyrstu leikirnir fara fram 28. ágúst og er það viðureign Angóla og Serba sem er fyrst á dagskránni.
HM2010: Yao Ming verður ekki með
15 01 2010 | 08:00
Yao Ming, leikmaður Houston Rockets og kínverska landsliðins, hefur útilokað að spila með Kína á heimsmeistaramótinu í Tyrklandi í haust. Yao Ming sem hefur ekkert leikið með Houston Rockets í NBA-deildinni í vetur vegna fótbrots eins og flestir vita, hefur gefið það út að hann verði ekki orðin klár fyrir HM.
Yao sagði í samtali við kínverska vefmiðilinn sohu.com að hann geti ekki hafið æfingar fyrr en í júlí í fyrsta lagi og það verði of seint til þess að koma sér í gírinn fyrir HM. En keppnin hefst 28. ágúst og stendur til 12. september.
Wade óviss hvort hann fari til Tyrklands
12 01 2010 | 22:26
Dwayne Wade, leikmaður Miami Heat, hefur ekki enn ákveðið sig hvort hann gefi kost á sér til að leika með bandaríska landsliðinu í sumar á HM í Tyrklandi. Wake sem var lykilmaður í sigri Bandaríkjanna á Ólympíuleikunum sumarið 2008 hitti nýlega Jerry Colangelo frá bandaríska sambandinu og ræddi verkefni næsta sumars.
