Meistaraflokkur kvenna hjá Haukum tók upp á því á dögunum að skella sér í ísbað eftir erfiða æfingu líkt og tíðkast hefur hjá íþróttafélögum um allan heim. Nýlega tók meistaraflokkur Keflavíkur upp á slíku og hafa svona ísböð virkað vel á stirða vöðva. Þetta kemur fram á www.haukar.is  

 

Í kvöld mætast deildarmeistarar KR og Haukar í sínum öðrum leik í undanúrslitum Iceland Express deildar kvenna. Leikurinn fer fram að Ásvöllum í Hafnarfirði og hefst stundvíslega kl. 19:15. 

 

Í nótt voru þau lið kynnt til leiks sem sérstaklega skipuð valnefnd hafði valið til að taka þátt í úrslitakeppni bandarísku háskóladeildarinnar í körfubolta. Helena Sverrisdóttir og félagar í TCU hlutu náð fyrir augum valnefndarinnar og sagði Helena í samtali við Karfan.is að mikill léttir hefði verið í hópnum þegar nafn TCU birtist á skjánum. TCU er því enn á lífi þetta tímabilið og leikur gegn Dayton skólanum á laugardag í fyrstu umferð úrslitakeppninnar.

 

KR varð um helgina Íslandsmeistari í 8. flokki drengja. Leikið var í Ásgarði en KR vann alla leiki sína á mótinu. Þjálfari liðsins er Finnur Freyr Stefánsson.