Í kvöld mætast deildarmeistarar KR og Haukar í sínum öðrum leik í undanúrslitum Iceland Express deildar kvenna. Leikurinn fer fram að Ásvöllum í Hafnarfirði og hefst stundvíslega kl. 19:15. 

 

Á fimmtudag er staðan ansi strembin fyrir forsvarsmenn Körfuknattleikssambands Íslands. Miðað við úrslit í síðustu umferð Iceland Express deildar karla geta bæði KR og Grindavík orðið deildarmeistarar á fimmtudag. Úr vöndu er að ráða þar sem KR leikur í Stykkishólmi og Grindavík í Seljaskóla, á milli þessara staða er um tveggja stunda akstur og því vart í boði að bíða með sigurlaunin í Hyrnunni í Borgarnesi á meðan úrslit leikjanna ráðast.

 

Heil umferð fór fram í kvöld í sænsku úrvalsdeildinni í körfubolta þar sem Sundsvall Dragons töpuðu 74-65 á útivelli gegn Uppsala. Með ósigrinum eru Jakob Örn Sigurðarson og félagar í Sundsvall í 3. sæti deildarinnar og færast ekki þaðan þó enn sé ein umferð eftir. Þar sem Plannja tapaði í kvöld líkt og Sundsvall eru því enn fjögur stig á milli liðanna en sigur í kvöld hefði boðið upp á þann möguleika að Sundsvall gæti jafnað Plannja að stigum.